Flouquet-aparenta
Orthotrichum affine
Orthotrichaceae
Nom en français : Houppe affine.
Descripcioun :Aquelo mousso, coume la mage part dis Orthotricum, trachis sus li pège d'aubre (éuse, roure...). Se recounèis à sis fueio recurvado longo de 3 à 3,5 mm e acabado émé un pouncho verdo (e pas ialino), e peréu à soun urno aranjado di vue rufo en long.
Usanço :Lis àutris Orthotricum coumun de pège podon agué un pouncho ialino (Orthotricum diaphanum) o uno urno lisco (Orthotricum striatum).Orthotricum lyelii fai de proupagulo. Se destrìo seguramen bonodi la formo de sis estoumato.
Port : Acroucarpo
Taio : 1 à 3 cm
Fueio : 3 à 3,5 mm
Tipe bioulougico :
Cicle bioulougico : Planto renadivo
Gènre : Orthotrichum
Famiho : Orthotrichaceae
Ordre : Orthotrichales
Coulour de la flour :
Petalo : 0,5 à 1 mm
Ø (o loungour) flour : 16 dènt
Flourido :
Estiéu
Sòu : Ca
Autour basso e auto : 50 à 2000 m
Aparado : Noun
Jun à setèmbre
Liò : Pège
Estànci : Mesoumediterran à Mountagnard
Couroulougi : Oulartico
Ref. sc. : Orthotrichum affine Schrad. ex Brid., 1801
Esparello(-de-Moris)
Hieracium morisianum
Asteraceae Compositae
Nom en français : Épervière de Moris.
Descripcioun :Aquesto esparello, pulèu coumuno mai pas toujour bèn couneigudo, fai partido dóu group VILLOSA, presento au nostre soulamen en mountagno. Trachis dins li tepiero roucaiouso e li roucas. Es un Hieracium emé forço fueio de cambo e pu de fueio de baso à la flourido (ipoufiloupodo) emé proun de péu sus l'enflourejado e peréu sus lou dessouto di fueio. Fai partido de l'espèci couleitivo valdepilosum, pamens se destrìo dóu tipe qu'a li bratèio dóu dedins tant primo que li dóu deforo. Se penso qu'aquèsti Hieracium vènon de H. villosum introugressa pèr H. prenanthoides emé si fueio un pau en viouloun (Flora Gallica, op.
cit. p. 444).
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Grando erbo
Taio : 15 à 40 cm
Fueio : alterno
Tipe bioulougico : Emicriptoufite
Cicle bioulougico : Planto renadivo
Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales
Coulour de la flour :
Jauno
Petalo : >6
Ø (o loungour) flour : 13 à 15 mm
Flourido : Printèms
- Estiéu
Sòu : Ca
Autour basso e auto : 1400 à 2300 m
Aparado : Noun
Remarco : Endemico dis Aup
Jun à avoust
Liò : Tepiero roucaiouso
- Roucas
Estànci : Mountagnard à Aupen
Couroulougi : Ouroufito-Sud-Éuropo
Ref. sc. : Hieracium morisianum Rchb.f., 1859
(= Hieracium elongatum Willd. ex Froël., 1838 )